செயற்கை கோள் மூலம் அண்டை நாடுகளை உளவு பார்க்கும் அமெரிக்கா

அணு ஆயுத நீர்மூழ்கி கப்பல் தளத்தை சீனா இரகசியமாக நிர்மாணித்து வருவதை: அமெரிக்காவின் உளவு செய்மதி படம் பிடித்துள்ளது !

அணு ஆயுத நீர்மூழ்கி கப்பல் கட்டும் தளத்தை சீனா இரகசியமாக நிர்மாணித்து வருவதாக தெரிவிக்கப்படுகிறது . இதை நிரூபிக்கும் வகையில் அமெரிக்காவின் உளவு செய்மதி - (சாட்டிலைட்) படம் பிடித்து உள்ளதாகவும் சீனாவில் உள்ள ஒரு துறைமுகத்தில் அணு ஆயுத நீர்மூழ்கி கப்பல்கள் நிறுத்தப்பட்டுள்ளதையும் இந்த செய்மதி படம் காட்டுவதாகவும் தற்போது இந்த படங்கள் லண்டனில் வெளிவரும் பத்திரிகைக்கு ஒன்றுக்கு கிடைத்துள்ளதாகவும். அந்த பத்திரிகை தான் இச் செய்தியை வெளியிட்டு உள்ளதாகவும் தெரிவிக்கப்பட்டுள்ளது.
சீனாவின் ஹைனான் தீவில் உள்ள சன்யா தளத்தில் பூமிக்கு அடியில் சுரங்கங்கள் தோண்டப்பட்டு அதற்குள் நீர்மூழ்கி கப்பல்கள் கட்டும் தளம் அமைக்கப்பட்டு வருவதையும் அமெரிக்க செயற்கைகோளின் படங்கள் மேலும் தெரியப்படுத்துவதாகவும் அந்த பத்திரிகை குறிப்பில் மேலும் தெரிவிக்கப்பட்டுள்ளதாகவும் குறிப்பிடபடுகிறது

நன்றி :அலைகள்